ब्रम्ह्पुरी : ता.जि. सातारा  

हरिहर नित्यावळी । नामसंर्कीतन धुमाळी ॥
ब्रम्ह्पुरी मुख्य स्थान । शिवनाथी वृंदावन ॥
भाक नामयाची होती । केली उभवणी प्रिती ॥
शतकोटीचा सेवट । हरिहर कृष्णा तट ॥
तुकाविप्र म्हणें देवे । केले कौतुक बरवे ॥

बद्रीवनासी यावया । काय कारण तुकिया ।
पूर्व जन्मी हेत केला । तैसा तुर्त फळा आला ।
विनायकासी पूजावे । हेत केला होता जीवे । तुकाविप्र हेत होणे बद्रिवनी गुरु देणे ॥

काय जाल आता कोणतिया तिर्था ।
पुजाल देवता कोणतीया चला पथरीसी भेटाया विठ्ठला ।
आणिक्या मार्गाला काय जाल ।।
आडवाटे जग बहुत भरले ।
यात्रेसी चालिले भलतेची तुकाविप्र म्हणे चला पंढरी ।
पहाया संतासी डोळेभरी ॥

अंजनवती संस्थान : १) दिंडी (पायीवारी) - आषाढ एकादशी - अंजनवती ते पंढरपुर फाल्गुन एकादशी - अंजनवती ते पैठण २) कार्तीक पौर्णीमा - संत तुकाविप्रांचे गुरु विप्रनाथ स्वामी यांना एकदा वार्धक्यामुळे पंढरपुरला श्री पांडुरंगाच्या दर्शनाला जाणे झाले नाही. तेव्हां साक्षात पांडुरंग अंजनवतीस आले. या शुभ घडीला(कार्तीक पौर्णीमेला) दरवर्षी किर्तन-भजन करुन महोत्सव साजरा केला जातो. ३) फाल्गुन अमावस्या - संत तुकाविप्रांचे गुरु विप्रनाथ स्वामी यांचा पुण्यतिथी महोत्सव. ४) पौंष कृ. सप्तमी ते पौंष कृ. चतुर्दशी - संत तुकाविप्र समाधी महोत्सव. प्रत्येक उत्सवात किर्तन, भजन, नित्यप्रसाद, महाप्रसाद आदी कार्यक्रम आयोजीत केले जातात.     पंढरपुर संस्थान : १) आषाढ वद्य द्वितीया - संत तुकाविप्रांचे शिष्य व विप्र घराण्याचे मुळपुरुष श्री बापुसाहेब विप्र यांचा पुण्यतिथी महोत्सव. २) मार्गशिर्ष शुक्ल चतुर्दशी - दत्त जयंती महोत्सव.