कृतायुगी प्रल्हाद जाहाला तेथे नारदे उपदेशीला ।
भागवती प्रसिध्द हे लिला । वर्णिला भला स्वानुभव ॥
त्रेती वालीचा तो कुमर । अंगद नामे महावीर ।
मग बोधीले साचार । वायूपूत्रे श्री मारुति ॥
द्वापारी तो उद्धव जाहाला । यादव वौंषी जन्मला ।
सर्वोत्तमे अनुग्रह केला । वर्णिले तयाला व्यासानी ॥
कलिमध्ये तोची उद्धव । भक्त जाहला नामदेव।
जयासंगे देवाधीदेव जेविले भाव पाहुनी ॥
विसोबा खेचर हा संत । जया लागी प्रबोधीत ।
भजनरंगी रंगले चित्त । धन्य भक्त ते नामदेव ॥
पुढे नामयाचा जाहाला तुका । हे तो प्रसिद्ध आहे लोका ।
ज्याचे वैराग्य पाहता देखा। सनकादीका विस्मय मनी ॥
मग तुका म्हणे देवेंद्रास । अवतार घेणे आहे आम्हास ।
तुजही करु उपदेश । राहीले विशेष करणे ते।
ऐसे सुरेशा सांगून । भूतळासी निघाले जाण ।
तेंव्हा पवित्र आपुली खुण । दिधली पूर्ण देवराजे ॥
विलोमरेफ संगती विप्रत्व आले वज्त्राप्रती ।
मग तुकाविप्र नामे जन्म धरिती । अवतार क्षिती श्री तुकोबा ॥

अवतार	युग
भक्त प्रल्हाद	त्रेतायुग
अंगद	सत्ययुग
उद्धव	व्दापार युग
संत नामदेव	कलीयुग
संत तुकाराम	कलीयुग
संत तुकाविप्र	कलीयुग